मनमाड-परभणी मार्गाचे दुहेरीकरण रद्द
म टा प्रतिनिधी, औरंगाबाद मनमाड-परभणी दुहेरी रेल्वे मार्गाचे सर्वेक्षण पूर्ण झालेले असून त्यासाठी दोन हजार १९९ कोटी रुपये लागणार आहेत...
| Updated:Mar 10, 2020, 04:00AM IST
MT
म. टा. प्रतिनिधी, औरंगाबाद...
more...
मनमाड-परभणी दुहेरी रेल्वे मार्गाचे सर्वेक्षण पूर्ण झालेले असून त्यासाठी दोन हजार १९९ कोटी रुपये लागणार आहेत. हा प्रस्ताव २०१८ मध्ये रद्द करण्यात आल्याची लेखी माहिती दक्षिण मध्य रेल्वेचे महाव्यवस्थापक गजानन माल्या यांनी खासदार इम्तियाज जलील यांना दिली आहे. याशिवाय पीटलाइनसह चाळीसगाव-दौलताबाद रेल्वे मार्गाबाबतही नकारात्मक उत्तर दिले आहे. त्यामुळे रेल्वेप्रश्नी खासदार जलील यांनी आंदोलनाचा इशारा दिला आहे.
खासदार इम्तियाज जलील यांनी १३ नोव्हेंबर २०१९ रोजी दक्षिण मध्य रेल्वे विभागाला औरंगाबादसह मराठवाड्यातील १२ प्रलंबित मागण्यांबाबत लेखी प्रश्न विचारले होते. या प्रश्नांचे उत्तरे १० फेब्रुवारी २०२० रोजी दक्षिण मध्य रेल्वे विभागाचे महाव्यवस्थापक गजानन माल्या यांनी दिले आहे. या पत्रात पीटलाइन, मनमाड-परभणी दुहेरी मार्ग, रेल्वे स्टेशनचा विकास, दौलताबाद-चाळीसगाव प्रलंबित रेल्वे मार्ग, मुकुंदवाडी रेल्वे स्टेशन येथे एक्स्प्रेस रेल्वेगाड्यांना थांबा, लासूर, रोटेगाव येथे रेल्वेंना थांबा, मुंबईसाठी रेल्वे, हंपी एक्स्प्रेस व राज्यराणी एक्स्प्रेसचा विस्तार, जनशताब्दी एक्स्प्रेसचा 'सीएसटीएम'पर्यंत विस्तार, कोकण रेल्वेच्या धर्तीवर मराठवाड्यासाठी स्वतंत्र रेल्वे कार्पोरेशन, रेल्वेद्वारे विविध शहरांशी औरंगाबादला जोडणे आदी प्रश्न विचारले होते.
या प्रश्नांच्या उत्तरात अनेक प्रश्नांची उत्तरे नकारात्मक आहेत. राज्यराणी आणि जनशताब्दी एक्स्प्रेसबाबत सकारात्मक उत्तर मिळाले आहे. गरज असले, तर पीटलाइन केली जाईल, असे कळविले आहे. रेल्वे विभाग मराठवाड्याचे प्रश्न प्रलंबित ठेवत असल्याने खासदार जलील यांनी आंदोलनचा इशारा दिला आहे.
……
\B१७ कोटी आले कोठून?\B
पूर्णा आणि नांदेड येथे पीटलाइन असून गरज असले, तर औरंगाबाद येथे पीटलाइन तयार केली जाईल, असे उत्तर देण्यात आले आहे. एकीकडे महाव्यवस्थापक गजानन माल्या हे खासदारांना, असे उत्तर देत आहेत, तर दुसरीकडे पीटलाइनसाठी १७ कोटी रुपयांचा प्रस्ताव कोठून आला, असा प्रश्न जलील यांनी उपस्थित केला.
……
\Bलोकप्रतिनिधी एकत्र येणे आवश्यक \B
रेल्वे प्रश्नांच्या सोडवणुकीसाठी मराठवाड्यातील लोकप्रतिनिधींनी राजकीय हेवेदावे सोडून एक मंच तयार करावे. या मंचाचे नेतृत्व सर्वात ज्येष्ठ व केंद्र शासनात मंत्री असलेले रावसाहेब दानवे यांनी करावे. रेल्वे प्रश्नांच्या सोडवणुकीसाठी जळगाव, हिंगोली आणि नांदेडचे खासदार तयार आहेत, अशी माहिती खासदार जलील यांनी दिली.